Why Cheat India Movie Review

Today we will review a Drama/Crime film Why Cheat India, directed by Soumik Sen

Why Cheat India Movie Release Date: 18 January 2019 (India)
Why Cheat India Movie Budget: 25 crores INR
Why Cheat India Movie Cast: Emraan Hashmi, Shreya Dhanwanthary, Ammar Taalwala
Why Cheat India Movie Music director: Guru RandhawaSoumik SenRochak KohliAgneeKrsnaNeel Adhikari

Why Cheat India Movie Review:

Land mafia, Arms mafia aise bahut sare mafia hai jinke bare me apne pehle se hi sun chuke hai, jin par dhero filmein ban bhi chuki hai. Issi tarah se hota hai Education Mafia. Lekin isme goli bari, bombing, Murder is tarah ki chise nahi hoti. Lekin kahi na kahi yeh education mafia ke log desh ko andar hi andar khokla kar rahe hai. Education ke dealer desh var me fehle hue hai aur roj aap news paper, channels par bhi dekh sakte hai. Yeh sab kaise hota hai yahi iss film me dikhaya gaya hai.

FILM INTRO:

Ek lambe waqt ke baad Imraan Hashmi ne film me wapsi ki hai. Aur iss bar wo ek decent lekin fraud character me nazaar aaye hai. Yeh film late 90’s ki hai aur UP ke ek city Jaunpur ke aspas ghumte rehta hai. Film me dikhaye gaye pehnawe se, mobile phone se aur kuch filmo ke posters se palta chalti hai yeh film kis waqt ki kahani pe adharit hai.

Yeh film reality ke karib hai, jis tarah se dikhaya gaya hai ke kis tarah se paise dekar admission karaye jate hai, mba , engineering ke seat dilaye jate hai. Yeh sab real life mein bhi hoti hai.

Film ke suruwat hoti hai ek brilliant student Sateyendra se, jiske upar engineering ka entrance clear karne ka dawao tha. Yeh dawao deta hai unke papa, kaise bhi karke use entrance exam clear karna hai. Is tarah ki soch lagvag hamare desh me har pita ki hoti hai, kyuki wo apne tarike se sochte hai. Jada dawao matlab suicide, jaise ki aap din newspaper me padhte hai.

PLOTLINE & THINKING:

Yeh film ek crime petrol series ki tarah hai, jisme kayi sari negative side dikhayi gayi hai usi tarah bahut sari positive side bhi dikhayi gayi hai. Filmein samaj ka aina hoti hai jise log sirf enjoyment ke liye nahi dekhte, balki film ke kaye sare scene logo ke dilo dimag me utar jate hai. So filmmaker ko dhyan rakhna hota hai ke unke film se samaj ko kuch sikhsha milni chahiye. Jo galat hai wo galat hai aur jo sahi hai wo sahi hai. Life me age badhne ka koi shortcut nahi hota. Anth tak apni mehnat hi long time tak sath rehti hai.

Is film me ek negative chabi ko glamour se varke dikhayi gayi hai, jo ki galat hai. Imraan Hashmi yani ke Rakesh singh film me education na dhanda karte hai aur ek royal life jita hai. Dhire dhire hi sahi lekin uske pass bari gari, ghar sab kuch hota hai. Paise kitne hote hai, munafa kitna hota hai yeh tak film me dikhaya gaya hai. Bright student ko kaise is daldal me utara jata hai aur kaise wo sab bahut kush and satisfied bhi najar ate hai. Jo ki ajkal ke youth ko prerit karta hai is tarah ke kam karne se, jo nahi hona chaihiye.

TECHNICAL WAY:

Film me kuch ache dialogue hai, jo film ke scenes ko support karte hai, lekin screenplay kafi slow hai. Kuch scene ki camera movement itne kamjor hai, jo ki us scene me ho rahi baat chit ko kafi niras kar deti hai. Film me ache dialogue hone bahut jaruri hai, lekin un ache dialogue ko aap kis tarah se scene me use karte hai, yeh chis bhi bahut maine rakhti hai, jisme camera angle ek badi bhumika nibate hai.

Film me kuch khamiya bhi najar aati hai. Jiase ki Rakesh Singh jab Jhanshi me rehte hai, tab background me dewaar par ek Bengali film ki poster kafi khatakta hai. Ek classic art film ka poster Jhansi seher ke dewaar par kyu hai.

Ab aate hai aur ek character Sateyendra par, jiske bare me Imraan Hashmi ke voice over par sab batayi jate hai. Jise dekhkar lagta hai film ka main actor yehi hai, lekin is character ko film se achanak hi gayab kar diya gaya. Halaki ki ispe reason tha lekin unsabko ek do scene me hi samet kar bandh kar diya gaya. Jaise lagta hai film makers ko is character ko film se bahar nikalne ki bahut hi jaldi thi.

CHARACTERISATION:

Film me dikhaye gaye Fraud aur yu kahe ki kis tarah se yeh racket kam karta hai, us par toh film makers ki mehnat dikhi hai. Lekin Imraan Hashmi ke alawa aur kisi character par jyada focus hi nahi kiya gaya. Imraan Hashmi ke chote bhai ko bina kuch dialogue bulakar hi film se hata diya gaya. Jabki wo film ka ek important character ho sakta tha.

Imraan Hashmi ke character ke bare me dekha jaye toh ispe jyada kuch karne ke liye tha nahi. Bas acting ki ek tone pakar kar usi tone ke sath puri film me role nibhaya hai. Ispe unke pas jyada layers nahi hai jo ki jyada kuch dikha sake.

CONCLUSION:

Imraan Hashmi ke is character me najarandaz karne jaisa kuch nahi tha lekin appreciate karne wali bhi kuch nahi hai. Shreyas bhi average lagi, halaki unke character me bahut kuch tha, lekin is film me use jyada scene space nahi mila. Satyendra ke character ko film me aur thoda badhaya ja sakta tha. Film background music bhi kuch khas asar nahi chor pata.

Film ka music acha hai, gaane ache hai, lekin song ko film me jabardasti daala gaya lagta hai. Bina kisi situation ke hi film me gaane aajate hai. Film ka climax bahut hi acha hai, jiski wajah se is film ko kuch hadh tak bachaya gaya hai. Lekin film ka end ek purani kahawat ko sach karte dikhayi padhta hai, “Baap bada na bhaiya, Sabse bada rupaiyaa”.

Is film se aap jyada expectations na rakhe, aur Imraan Hashmi ke Fan is film ko miss bhi na kare.

More Movie Review

Please follow and like us:
error

You may also like...

2 Responses

  1. Great, I really like it! Youre awesome

  1. February 23, 2019

    […] Why Cheat India Movie Review […]

Leave a Reply

Your email address will not be published. Required fields are marked *